|
| 唔驚唔覺，十一月中啦!!
早已忘記左會考既失敗
係呢度讀，D 時間好 Free
多左時間溫書，當然亦多左時間打機啦(哈哈)
上堂總覺得好過D傳統中學
中學D時間好趕，羅Account 為例
中學多數兩堂，1hrs 10 mins
呢度三堂，2hrs 20 mins
你地可能覺得差唔多者
但2 hrs 20 mins 所講既野，肯定詳細過中學
咦架諗番起,中四、五學Account,堂堂好似抄書咁
我仲諗緊呢舊數點黎，黑板已經做緊下一步
抄晒成題，總係有幾Part 唔知做緊咩
呢架應該好好多啦，所有Step好詳細
第一次試又考埋，當然個result係唔錯啦
好多野中四教左，D notes係英文我又唔駛適應
所以唯一冇後悔既係讀左一間英文中學
最開心係Econ啦,終於識 Demand and supply D圖
做完先發現，呢課D野其實好易
咁我以前做緊咩呢??? | | |
| 九月一日,係學生開學既日子
但今年,呢個習慣要改變啦!!
出去食飯見到 D學生著住校服,感覺好奇怪
都唔知開心定唔開心
開心咪唔駛咁早番學 lor
但都係唔開心居多 ga la
會考始終都係失敗左
尋日去左新生輔導會
隨左明白 D 學分點計之外
其他 D 野都好無聊
最衰係迫人去 Camp
以我咁被動既性格
都幾難搞
不過算啦!!
睇下識唔識到人啦!!!
不過最令我o嘴既係
竟然要人考中文輸入法
可能對於大家黎講,問題不大
但對於我呢個打字白痴黎講,係相當困難
又唔係成日用電腦,MSN 又唔多
用手寫板咪算 lor,又唔係好慢
所以到中五,都唔識打字,亦懶得去學
但呢次真係唔學唔得
唔通隔離係咁打,我坐係度咩??
好樣衰 je
所以點都要學 ga la
得番一星期,速成肯定學唔到
九方係最易 ge
咪試下 lor
點知用完先知
九方係完全唔駛學
只要你識寫中文字就已經學識
以前完全唔知
可能係我太驚輸入法啦!!
不過遲早都要學速成
Anyway,九方真係好好用
遲 D好多人要走啦!!
真係好唔捨得
咁就各散東西
係度希望去外國個 D
係個邊努力讀書
一齊加油啦!!! | | |
| 好鍾意Hugo Xanga 中的一句
我才不會為了這個永遠不知自己錯在那裡的低能考試放棄
既然人地都唔放棄,我都要努力D
一齊加油
雖則係咁,仍舊想著那份我勁唔gur 既聆聽卷
同埋份中史
不過算啦!!
唔好再俾數字困擾住自己
亦明白開心係一日,唔開心又係一日
點解唔開心D呢??
9月10日重新開始吧!!! | | |
| 失望,非常失落
原本預料14+
但得9分
究竟係我既問題定係今年D人真係好勁
預期最好的科有c,得e
最差諗著e-f,有d
拿著張成績單,第一眼望到中文有2個1
但竟然係 listening 同5卷
兩份listening 都肥
英文list 都有3
中文反而肥,有冇搞錯
令我不禁覺得究竟改我份卷個個羅咩標準
我真係好唔gur
亦有少少籍口,我覺到真係好唔公平
個個唔同準則,改卷態度又唔同
不過算 la
咦架舒服好多架
大家都要加油,唔得個d唔好灰
讀唔到中六可能係好事呢
一定好過D讀到中六至中七,但A-Level炒左個批人
我地會冇咁浪費時間
Anyway,齊齊加油! | | |
| 心開始緊張
夜晚訓唔著,總是不斷幻想七天後的情況
成功 or 失敗
最低 12,最高 17
不過我考之前
已經預左得一成番到華仁,亦冇特別希望番到黎
可能我對華仁冇咩感情
真係太多自由,加上自己既自制能力差
所以成日都會諗:係第二間學校會唔會好 D呢?
但係我又覺得咁樣太緊,咩都迫你做
所以有少少矛盾
咦架見到報紙報道小六放榜
某某家長好高興自己個仔入讀華仁
心中都會諗:咁開心做咩??入到黎你就知
因為呢度D老師真係...
一向老師俾人既印象係辛苦
改好多卷,功課
但呢度唔係架!!
D老師舒服到(有D當然唔係)
呢到又令我諗起一個令我討厭既老師
當其他班既老師係考試之前已經前教完晒成本書
教緊其他考試用既野
佢仲有成三、四課未教
四年前教左既野
今年要用
同學問佢教唔教
佢答:「中一你咪學左 lor,仲教??你有問題可以問我」
我最唔滿意係其他班都有教下
你唔教咪算 lor,用四年前學左呢個理由話唔教
會唔會離譜左D呢?
可能有人話:咁係你唔識者
係,我唔係叫叻既人
但做老師,係咪應該盡下責任呢
就算全班好多人識,淨係得1個唔識
你都應該教 lor!!
呢次亦令我第一次去D大型既補習社
如果唔係,我夠膽講,會考一條都答唔到
當然,亦有例外,就係好鍾意讀書個D
入到黎其實係非常好
有自由,鍾意做咩都得
自己又會讀書,唔駛擔心成績
幾好!
可惜我唔係呢 D人
好啦!!講番會考
由於抱著呢種心態
考既時候係緊張
不過係緊張自己究竟對唔對得住自己
結果我當然係成功做到呢點(除 Geog之外)
沒有任何遺憾
咦架最驚係全部 D
慘在好多科考完預計C尾D頭
但點都唔會好似 0:48個條友
考完話好後悔自己hea
仲要笑住咁講
補償??
你入到去就代表補償到你自己考成咁
唔好玩 la!!!
| | |
|
